Чанар, Аюулгүй Байдлыг
Эрхэмлэсэн Үйлдвэрлэл
Эрдмийт ХХК нь мал төхөөрөх, мах, махан бүтээгдэхүүний бэлтгэл, боловсруулалт, савлагаа, хадгалалт, нийлүүлэлтийн чиглэлээр үйл ажиллагаа явуулдаг үндэсний үйлдвэр юм. Бид хэрэглэгчдэд гарал үүсэл тодорхой, эрүүл ахуйн шаардлага хангасан, хяналттай бүтээгдэхүүнийг тогтвортой нийлүүлэхийг зорьдог.
Манай үйлдвэр нь дотоодын зах зээл экспорт болон байгууллагын хэрэгцээнд зориулан үхэр, хонь, ямаа, адууны мах болон дайвар бүтээгдэхүүнийг стандартын дагуу ангилан бэлтгэж, хөргөлттэй хяналттай нөхцөлд хадгалан нийлүүлдэг.
- 100% Органик мах
- Жилийн 4 улиралд шинэ мах
- Тогтмол, найдвартай нийлүүлэлт
- Эрүүл, аюулгүй, чанартай бүтээгдэхүүн
“ЭРДМИЙТ” ХХК-ийн Танилцуулга
“Эрдмийт” ХХК (Erdmeat LLC) нь Монгол Улсын Орхон аймгийн Эрдэнэт хотод байрлах мах боловсруулах үйлдвэр бөгөөд Монгол малын махыг стандартын шаардлагад нийцүүлэн боловсруулж, дотоодын болон гадаадын зах зээлд нийлүүлэх чиглэлээр үйл ажиллагаа явуулдаг үндэсний үйлдвэрлэгч компани юм.
Тус үйлдвэрийн суурь нь Уулын баяжуулах “Эрдэнэт үйлдвэр”-ийг мах, махан бүтээгдэхүүнээр хангах зорилгоор 1997 онд Орхон аймгийн Баян-Өндөр сумын Говил багт байгуулагдсан мах боловсруулах үйлдвэрээс эхлэлтэй. Манай компани уг үйлдвэрийг 2011 онд дуудлага худалдаагаар худалдан авч, тоног төхөөрөмж, үйлдвэрлэлийн хүчин чадлыг шинэчлэн өргөтгөж, анхны хүчин чадлыг 10–15 дахин нэмэгдүүлэн өнөөдөр “Эрдмийт” ХХК нэртэйгээр тогтвортой үйл ажиллагаа явуулж байна.
Орхон аймаг нь Монгол Улсын төвийн бүсэд байрлах дэд бүтэц сайтай, авто болон төмөр замын сүлжээ хөгжсөн хот бөгөөд үйлдвэрлэл, логистикийн хувьд таатай байршилтай. Манай үйлдвэр нь Булган, Сэлэнгэ, Архангай, Өвөрхангай, Хөвсгөл зэрэг аймгуудаас бэлчээрийн мал аж ахуй эрхэлдэг бүс нутгийн малчдаас түүхий эдээ бэлтгэн ажилладаг.
Монгол мал нь байгалийн бэлчээрт бойжиж, цэвэр өвс ургамлаар тэжээгддэг онцлогтой бөгөөд энэ нь махны амт чанар, шим тэжээлийн давуу талыг бүрдүүлдэг. Манай компани нь мал бэлтгэлийн үе шатнаас эхлэн гарал үүсэл, эрүүл мэндийн хяналтыг хангаж, өвчлөлгүй тайван бүс нутгаас малыг бэлтгүүлж, тарга хүчийг нэмэгдүүлэх, оторлон тууварлах замаар түүхий эдийн чанар, аюулгүй байдалд онцгой анхааран ажилладаг.
Бэлтгэсэн малыг үйлдвэрт хүлээн авч мал эмнэлгийн үзлэг, шинжилгээнд хамруулсны дараа стандартын дагуу төхөөрч, махыг ангилан боловсруулж, хэрэглэгчдийн хэрэгцээ шаардлагад нийцсэн ангилсан болон хагас боловсруулсан махан бүтээгдэхүүнийг зах зээлд нийлүүлдэг.
Чанарын хяналт, лаборатори
Манай үйлдвэр нь мах, махан бүтээгдэхүүний хими болон микробиологийн шинжилгээ хийх стандартын шаардлага хангасан иж бүрэн тоноглогдсон лабораторитой бөгөөд үйлдвэрлэлийн явцад бүтээгдэхүүний чанар, аюулгүй байдалд тогтмол хяналт тавьж ажилладаг.
Үйлдвэрийн лабораторийн шинжилгээнээс гадна бүтээгдэхүүний сорьцын шинжилгээг Орхон аймгийн Мал эмнэлэг, ариун цэврийн лабораторид сар, улирлаар тогтмол хийлгэж, мэргэжлийн байгууллагын хяналт баталгаажуулалт дор ажилладаг.
Мөн үйлдвэрийн орчны агаар, хөрс, бохир усны шинжилгээг Орхон аймгийн Ус, цаг уур, орчны шинжилгээний төвийн Байгаль орчны лабораториор тогтмол хийлгэн байгаль орчны шаардлагыг ханган ажиллаж байна.
Манай Үйлдвэр
- Манай үйлдвэр дараах хүчин чадлаар үйлдвэрлэл явуулж байна.
- Хоногт 150 толгой бод мал төхөөрөх
- Хоногт 600 толгой бог мал төхөөрөх
- 1 тонн бэлэн бүтээгдэхүүн үйлдвэрлэх
- 10–30 тонн тураг мах бэлтгэх
- 8–10 тонн ястай мах хөрөөдөж савлах
- 3–5 тонн мах шулж ангилах
- Мөн гулууз мах ангилан хадгалах 1500 тонн багтаамжтай агуулах бүхий аммиакийн хөргөлтийн системтэй хүйтэн агуулахтай.
Давуу тал
Ангилан бэлтгэсэн мах, дайвар бүтээгдэхүүнийг хөргөлттэй, хяналттай нөхцөлд хадгалж, 1500 тонн багтаамжтай аммиакийн хөргөлтийн системтэй хүйтэн агуулахаас нийлүүлдэг.
Үйлдвэрийн лабораторийн шинжилгээнээс гадна бүтээгдэхүүний сорьцын шинжилгээг Орхон аймгийн Мал эмнэлэг, ариун цэврийн лабораторид сар, улирлаар тогтмол хийлгэж, мэргэжлийн байгууллагын хяналт баталгаажуулалт дор ажилладаг.
Вакуум савлагаа, жингийн дагуу багцлалт, хөргөлттэй хадгалалтын шаардлагад нийцүүлэн мах, махан бүтээгдэхүүнийг ангилан бэлтгэнэ.
Эрүүл ахуй, ариун цэвэр, хүнсний аюулгүй байдлын шаардлагыг ханган, түүхий эдийг хяналттай орчинд хүлээн авч, мал эмнэлгийн үзлэг, шинжилгээнд хамруулсны дараа стандартын дагуу боловсруулдаг.
Манай үйлчилгээ
Мал төхөөрөх
Манай үйлдвэр нь эрүүл ахуй, ариун цэвэр, хүнсний аюулгүй байдлын шаардлагыг ханган, түүхий эдийг хяналттай орчинд хүлээн авч мал тээвэрлэх, ангилах, хөргөх, боловсруулах үйл ажиллагааг стандартын дагуу явуулдаг.
Хүчин чадал: Өдөрт дунджаар 150 бод, 600 бог мал.
Мах ангилан бэлтгэх
Үхэр, хонь, ямаа, адууны мах болон дайвар бүтээгдэхүүнийг ангилан ялгаж, хөргөлт, хадгалалт, савлагааны шаардлагад нийцүүлэн бэлтгэнэ. Вакуум савлагаа, жингийн дагуу багцлалт, хөргөлттэй хадгалалтын боломжтой.
Захиалгат бэлтгэл
Бөөний болон байгууллагын захиалгад нийцүүлэн мах, махан бүтээгдэхүүнийг жин, ангилал, савлагаа, нийлүүлэлтийн нөхцөлөөр бэлтгэнэ. Тогтмол болон захиалгат нийлүүлэлт хийх боломжтой.
